2Sa 5 | TVK | STEP | Di, vatimol xa mahulong xil vus tahal Isrel lamei visal Deved e taon tahal Hibron, e labiteni mini labit, “Xamem mabe tua nam reitin.

2 Samuel 5

Deved Mei Be Suv Toto Tahal Isrel

2 Samuel 5:1-4

1 Di, vatimol xa mahulong xil vus tahal Isrel lamei visal Deved e taon tahal Hibron, e labiteni mini labit, “Xamem mabe tua nam reitin. 2 Tetiamu, melele xa Sol tamu tehe suv toto namem, xouk di otetiamu ni mol-Isrel xil e vaeen. E melele nen ak, Iahova tehit xati minuk xa ti ulaxat kuh moletin nan xil tahal Isrel. Reitin, tehiteni xa xouk mei uhe vat namem.” 3 Ma eilep xil vus tahal Isrel lamei visal Deved e taon tahal Hibron. Inggak, Deved pol ni hitxatien tei xa nggeih del xil. ^{▼▼5:3 E hitxatien ak xa Deved pol ni, xi bit xati xa ilaxat kuh moletin nan xil, e xil labiteni mini labit lisa tutouen mini.} Di, ladeh oel xat vatin tengan vapisen ni xa xi mei be suv toto nae. 4 Melele xa Deved mei tehe suv toto, huram nan tehe hanutap tei e hexalu mun (30), e telaxat mol-Isrel xil huram tehe hanutap lu (40).

Di, Deved mileh viton moletin xil te vaeen nan, ba langgur taon tahal Serusalem be nae e ladi en. Di, Deved misemae ni moletin nan xil tengan lapol ni nim tei xa eilep tengan xi ita en e taon ak. Dutou ni ngan ak, Deved misis pris xil, e lapo Nim Tavolin na Hi del holesok nen xil, e lapet rilomun ni de taon tahal Serusalem del memesien. Di, laling Bokis te Hitxatien na Hi da en.